ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಪ್ರಿಯಮಣಿಗೆ ಕನ್ನಡದಲ್ಲಿ ತಾನೇ ಡಬ್ಬಿಂಗ್ ಮಾಡುವಾಸೆ! (Priyamani | Puneeth | Raam | Kannada Film)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಪ್ರಿಯಮಣಿಗೆ ಕನ್ನಡದಲ್ಲಿ ತಾನೇ ಡಬ್ಬಿಂಗ್ ಮಾಡುವಾಸೆ! (Priyamani | Puneeth | Raam | Kannada Film)
Feedback
Print
ಪ್ರಿಯಮಣಿಗೆ ಕನ್ನಡದಲ್ಲಿ ತಾನೇ ಡಬ್ಬಿಂಗ್ ಮಾಡುವಾಸೆ! 
WD
ಕಾರಣ ಇಷ್ಟೇ. ತನ್ನ ಚಿತ್ರದ ತನ್ನ ಪಾತ್ರಕ್ಕೆ ಧ್ವನಿಯನ್ನೂ (ಅರ್ಥಾತ್ ಡಬ್ಬಿಂಗ್) ತಾನೇ ನೀಡಬೇಕೆಂಬುದು ಈಕೆಯ ಆಸೆ. ಆದರೆ, ಅದು ರಾಮ್ ಚಿತ್ರದಲ್ಲಿ ಸಾಧ್ಯವಾಗುತ್ತಿಲ್ಲ ಎಂಬುದು ಈಕೆಗೆ ಬೇಸರ ತರಿಸಿದೆಯಂತೆ. ಪ್ರಿಯಮಣಿ ಹೇಳುವಂತೆ, ನನಗೆ ಕನ್ನಡ ತುಂಬ ಚೆನ್ನಾಗಿ ಮಾತನಾಡಲು ಗೊತ್ತು. ಯಾಕೆಂದರೆ ಸಣ್ಣದಿರುವಾಗಿಂದಲೂ ನಾನು ಓದಿದ್ದು ಬೆಂಗಳೂರಿನಲ್ಲೇ. ಈಗಲೂ ನಾನಿರುವುದು ಬನಶಂಕರಿ. ಅದು ಕನ್ನಡ ಮಾತನಾಡುವವರೇ ವಾಸಿಸುವ ಪ್ರದೇಶ. ರಾಮ್ ಚಿತ್ರದ ಶೂಟಿಂಗ್‌ನಲ್ಲೂ ನಾನು ಕನ್ನಡದಲ್ಲೇ ಮಾತನಾಡುತ್ತೇನೆ. ಆದರೂ ನನಗೆ ಡಬ್ಬಿಂಗ್ ಅವಕಾಶ ಸಿಕ್ಕಿಲ್ಲ. ನಾನು ನಿರ್ದೇಶಕರಲ್ಲಿ ನಾನೇ ಡಬ್ಬಿಂಗ್ ಮಾಡುತ್ತೇನೆಂದರೂ ಅವರು ಬೇಡವೆಂದರು. ನ್ನನ ಪಾತ್ರಕ್ಕೆ ನನ್ನ ಸ್ವರ ಸೂಟ್ ಆಗುವುದಿಲ್ಲ ಎಂಬುದು ಅವರ ವಾದ. ಹೀಗಾಗಿ ನಾನು ಕೊನೆಗೆ ಒಪ್ಪಿಕೊಂಡೆ ಎನ್ನುತ್ತಾರೆ ಪ್ರಿಯಮಣಿ.
WD
ರಾಮ್ ಚಿತ್ರದ ಚಿತ್ರೀಕರಣ ಬಹುತೇಕ ಮುಗಿದಿದೆ. ಎರಡು ಹಾಡುಗಳ ಚಿತ್ರೀಕರಣ ವಿದೇಶದಲ್ಲಿ ನಡೆಯುತ್ತಿದೆ. ಅದು ಬಿಟ್ಟರೆ ಡಬ್ಬಿಂಗ್ ಕಾರ್ಯ ಕೂಡಾ ಮುಗಿದಿದೆ. ರಾಮ್ ಚಿತ್ರದ ನಿರ್ಮಾಪಕ ಆದಿತ್ಯ ಬಾಬು ಹೇಳುವಂತೆ, ಪ್ರಿಯಮಣಿ ತುಂಬ ಚೆನ್ನಾಗಿ ಕನ್ನಡ ಮಾತಾಡುತ್ತಾರೆ. ಆದರೆ, ನಿರ್ದೇಶಕ ಮಾದೇಶ್ ಅವರ ಪ್ರಕಾರ ಆಕೆಯ ಸ್ವರ ಪಾತ್ರ್ಕಕೆ ಹೊಂದಿಕೆಯಾಗೋದಿಲ್ಲ. ಪ್ರಿಯಮಣಿಗೆ ಈ ಚಿತ್ರದಲ್ಲಿ ತುಂಬ ಶ್ರೀಮಂತ ಮನೆತನದ ತುಂಟ ಹುಡುಗಿಯ ಪಾತ್ರ. ಸಾಮಾನ್ಯ ಮನೆತನದ ತಮಾಷೆಯ ಹುಡುಗನನ್ನು ಶ್ರೀಮಂತ ಹುಡುಗಿ ಪ್ರೀತಿಸುವ ಕಥಾನಕ. ಇದರಲ್ಲಿ ಪ್ರಿಯಮಣಿಯ ಪಾತ್ರಕ್ಕೆ ಗಟ್ಟಿಯಾದ ಸ್ವರ ಬೇಕು. ಹಾಗಾಗಿ ಪ್ರಿಯಮಣಿಯನ್ನು ಡಬ್ಬಿಂಗ್‌ಗೆ ಬೇರೆಯವರ್ನು ಬಳಸುತ್ತೇವೆಂದು ಒಪ್ಪಿಸಿದ್ದೇವೆ ಎನ್ನುತ್ತಾರೆ ಆದಿತ್ಯ.