ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಪ್ರಭುದೇವ ಜತೆ ಡ್ಯಾನ್ಸ್; ಟಾಲಿವುಡ್‌ನತ್ತ ಯಶ್ ಚಿತ್ತ?
(Yash | Rajadhani | Sandalwood | Telugu)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಪ್ರಭುದೇವ ಜತೆ ಡ್ಯಾನ್ಸ್; ಟಾಲಿವುಡ್‌ನತ್ತ ಯಶ್ ಚಿತ್ತ?
(Yash | Rajadhani | Sandalwood | Telugu)
Feedback
Printಪ್ರಭುದೇವ ಜತೆ ಡ್ಯಾನ್ಸ್; ಟಾಲಿವುಡ್‌ನತ್ತ ಯಶ್ ಚಿತ್ತ?
MOKSHA
ಯಶ್ ಇತ್ತೀಚೆಗೆ ಹೈದ್ರಾಬಾದಿಗೆ ಹೋಗಿದ್ದರು. ಅಲ್ಲಿ ತಮ್ಮ 'ರಾಜಧಾನಿ' ಚಿತ್ರಕ್ಕೆ ಲಭಿಸಿದ ಪ್ರಶಸ್ತಿ ಪಡೆಯಲು ಹೋಗಿದ್ದರು. ಅಲ್ಲಿ ನಡೆದ ಅದ್ದೂರಿ ಸಮಾರಂಭದ ಬೃಹತ್ ವೇದಿಕೆ ಮೇಲೆ ನಟ ಹಾಗೂ ಡಾನ್ಸ್ ಕಿಂಗ್ ಪ್ರಭುದೇವ ಜತೆ ಸ್ಟೆಪ್ ಹಾಕಿದರು. ಅದನ್ನು ಕಂಡ ಅಭಿಮಾನಿಗಳು ಹೌಹಾರಿದರು. ಅಪಾರ ಮೆಚ್ಚುಗೆ ವ್ಯಕ್ತಪಡಸಿ ಚಪ್ಪಳೆ, ಶಿಳ್ಳೆಯ ಪ್ರೋತ್ಸಾಹ ನೀಡಿದರು.
ಇವರು ಇನ್ನೊಂದು ಸತ್ಯವನ್ನು ಸಹ ಅರಿತಿದ್ದಾರೆ. ಇವರಿಗೆ ಟಾಲಿವುಡ್ ನಟರ ಹೋಲಿಕೆ ಇದೆಯಂತೆ. ಇದನ್ನು ಅಲ್ಲಿ ಸೇರಿದ್ದ ಅಭಿಮಾನಿಗಳು ವ್ಯಕ್ತಪಡಿಸಿದರಂತೆ. ನಿಜಕ್ಕೂ ಈ ಒಂದು ವಿಷಯ ಕೇಳಿ ಯಶ್ ಪುಳಕಿತರಾಗಿದ್ದಾರೆ. ಒಂಥರಾ ಸಂತಸದಿಂದ ಗಾಳಿಯಲ್ಲಿ ತೇಲುತ್ತಿದ್ದಾರೆ ಅಂತ ಗಾಂಧಿನಗರದ ಮೂಲಗಳು ಹೇಳಿಕೊಳ್ಳುತ್ತಿವೆ.
ಇವರು ಹೈದರಾಬಾದ್ ವಿಮಾನ ನಿಲ್ದಾಣದಲ್ಲಿ ಇಳಿಯುತ್ತಿದ್ದಂತೆ ಅಭಿಮಾನಿಗಳು ಭಾರೀ ಸಂಖ್ಯೆಯಲ್ಲಿ ಮುತ್ತಿಕೊಂಡರಂತೆ. ಜನರಿಗೆ ಇವರೊಬ್ಬ ತೆಲುಗು ನಟರೆಂದುಕೊಂಡರಂತೆ. ಕನ್ನಡ ನಟ ಅನ್ನುವುದು ಅವರಿಗೆ ಗೊತ್ತಾಗಲೇ ಇಲ್ಲವಂತೆ. ತೆಲುಗಿನ ಹೊಸ ನಟ ಅಂತಲೂ ಭಾವಿಸಿದರು ಎಂದು ಹೆಮ್ಮೆಯಿಂದ ಹೇಳಿಕೊಳ್ಳುತ್ತಾರೆ.
ಯಶ್ ಸದ್ಯ ಕನ್ನಡದ ಬ್ಯುಸಿ ನಟ. ಇತ್ತೀಚೆಗೆ ಅವರು ನಟಿಸಿರುವ ಚಿತ್ರಗಳು ಕೊಂಚ ಗೆಲುವು ಕಾಣುತ್ತಿದ್ದು, ಕಳ್ಳರ ಸಂತೆಯ ಇವರ ನಟನೆ ಎಲ್ಲರಿಗೂ ಸೈ ಎನಿಸುವಂತೆ ಮಾಡಿದೆ.
ಇದರ ಜತೆ ಮೊನ್ನೆ ನಡೆದ ಸಮಾರಂಭದಲ್ಲಿ ಸಿಕ್ಕ ಜನಪ್ರಿಯತೆ ಗಮನಿಸಿ ತೆಲುಗಿನತ್ತಲೂ ವಾಲುವ ಸೂಚನೆ ಸಹ ಇವರು ನೀಡಿದ್ದಾರೆ. ಮುಂದೆ ಕನ್ನಡದ ಇನ್ನೊಬ್ಬ ನಟ ಬಹುಭಾಷಾ ನಟ ನಗುವುದನ್ನು ಕಾಣುವ ನಿರೀಕ್ಷೆಗಳಿವೆ.