ಸುದ್ದಿ/ಗಾಸಿಪ್ | ಸಿನಿಮಾ ಮುನ್ನೋಟ | ಸಿನಿಮಾ ವಿಮರ್ಶೆ | ತಾರಾ ಪರಿಚಯ
ಮುಖ್ಯ ಪುಟ ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಹುಬ್ಬಳ್ಳಿಯಾಯ್ತು ಈಗ ಬೆಳಗಾಂ; ಇದು ಓಂ ಹೊಸ ಚಿತ್ರ (Belgaum | Om Prakash Rao | Kishor | Nikhita)
ಸುದ್ದಿ/ಗಾಸಿಪ್
Bookmark and Share Feedback Print
 
ಹುಬ್ಬಳ್ಳಿಯಾಯ್ತು ಈಗ ಬೆಳಗಾಂ; ಇದು ಓಂ ಹೊಸ ಚಿತ್ರ   
 
MOKSHA
ನಿರ್ದೇಶಕ ಓಂ ಪ್ರಕಾಶ್ ರಾವ್ ಅವರಿಗೆ ಯಾವುದೋ ಊರಿನ ಹೆಸರನ್ನು ಸಿನಿಮಾಗಳಿಗೆ ಇಡುವುದೆಂದರೆ ಎಲ್ಲಿಲ್ಲದ ಖುಷಿ ಇರಬೇಕು. 'ಹುಬ್ಬಳ್ಳಿ'ಯನ್ನು ಜನರಿಗೆ ತೋರಿಸಿದ ಬೆನ್ನಿಗೆ ಅವರು ಕೈ ಹಾಕಿರುವ 'ಬೆಳಗಾಂ' ಚಿತ್ರವೇ ಇದಕ್ಕೆ ಸಾಕ್ಷಿ.

ಬೆಳಗಾಂ ಅವರ ಹೊಸ ಚಿತ್ರದ ಹೆಸರು. 'ಬಾರ್ಡರ್- ದೆರ್ ಇಸ್ ಓನ್ಲಿ ಆರ್ಡರ್' ಎಂಬ ಪಂಚ್ ಲೈನ್ ಕೂಡ ಇದಕ್ಕಿದೆ. ಶೀರ್ಷಿಕೆಯೇ ಹೇಳುವಂತೆ ಇದೊಂದು ಉತ್ತರ ಕರ್ನಾಟಕದ ಸೊಗಡಿನ ಕಥೆಯುಳ್ಳ ಚಿತ್ರ. ಇತ್ತೀಚೆಗಷ್ಟೇ 'ಹುಲಿ' ಚಿತ್ರಕ್ಕೆ ಕಿಶೋರ್‌ರನ್ನು ನಾಯಕನನ್ನಾಗಿ ಮಾಡಿದ್ದ ಓಂ, ಈಗ ಬೆಳಗಾಂ ಚಿತ್ರಕ್ಕೂ ಕಿಶೋರ್ ಅವರನ್ನೇ ಆರಿಸಿದ್ದಾರೆ.

ಡೇನಿಸಾ ಫಿಲಂಸ್ ಬ್ಯಾನರಿನಡಿ ಈ ಚಿತ್ರವನ್ನು ನಿರ್ಮಿಸುತ್ತಿರುವುದಾಗಿ ಹೇಳಿದ್ದಾರೆ. ಡೇನಿಸಾ ಓಂ ಪ್ರಕಾಶ್ ಅವರ ಪತ್ನಿಯ ಹೆಸರು.

ಬೆಳಗಾಂನಲ್ಲಿ ವರ್ಷಕ್ಕೊಮ್ಮೆ ನಡೆಯುವ ಖಾರಹಬ್ಬ ಚಿತ್ರದ ಕಥಾವಸ್ತು. ಆ ಊರಿನವರು ಎಲ್ಲೇ ಇದ್ದರೂ, ಆ ಹಬ್ಬದಲ್ಲಿ ಅವರ ತಾಯಿ ಕೈತುತ್ತು ತಿನ್ನಲೇಬೇಕು ಅಂತಲೇ ಊರಿಗೆ ಬರುತ್ತಾರೆ. ಇದೇ ವಿಷಯವನ್ನು ಆಧರಿಸಿ ಓಂ ಚಿತ್ರ ನಿರ್ಮಾಣ ಮಾಡುತ್ತಿದ್ದಾರೆ. ಇದೊಂದು ಪಕ್ಕಾ ಸೆಂಟಿಮೆಂಟಲ್-ಕಮರ್ಷಿಯಲ್ ಚಿತ್ರವಂತೆ. ಓಂ ಪ್ರಕಾಶ್ ಇದ್ದಲ್ಲಿ ಹಾಸ್ಯ ಇದ್ದೇ ಇರುತ್ತದೆ. ಆಕ್ಷನ್ ಅಂತೂ ಕಡ್ಡಾಯ.

ಬೆಳಗಾಂ, ಗೋಕಾಕ್, ಬೆಂಗಳೂರು ಸುತ್ತಮುತ್ತ ಚಿತ್ರೀಕರಣ ನಡೆಸುತ್ತೇನೆ ಎಂದಿದ್ದಾರೆ ಓಂ.

ಶನಿವಾರ (ಡಿಸೆಂಬರ್ 11) ಚಿತ್ರದ ಮುಹೂರ್ತವೂ ನಡೆದಿದೆ. ಚಿತ್ರದಲ್ಲಿ ನಾಯಕಿಯಾಗಿ ನಿಖಿತಾ, ಇವರೊಂದಿಗೆ 'ಜಿಂಕೆ ಮರಿ' ಖ್ಯಾತಿಯ ಶ್ವೇತಾ, ಶೋಭರಾಜ್, ರಂಗಾಯಣ ರಘು, ಸಾಧು ಕೋಕಿಲ, ಆಶಿಷ್ ವಿದ್ಯಾರ್ಥಿ, ಬುಲೆಟ್ ಪ್ರಕಾಶ್, ಆವಿನಾಶ್, ತುಳಸಿ, ಹೇಮಾ ಚೌದರಿ, ಲೋಕನಾಥ್, ಶ್ರೀನಿವಾಸಮೂರ್ತಿ ಮತ್ತಿತರು ನಟಿಸಲಿದ್ದಾರೆ.
ಸಂಬಂಧಿತ ಮಾಹಿತಿ ಹುಡುಕಿ
ಇದನ್ನು ಸಹ ಶೋಧಿಸು: ಬೆಳಗಾಂ, ಓಂ ಪ್ರಕಾಶ್ ರಾವ್, ಕಿಶೋರ್, ನಿಖಿತಾ
ಮತ್ತಷ್ಟು
ಗಾರೆ ಕೆಲಸವಲ್ಲ, ಆದರೆ ಮೇಸ್ತ್ರಿ; ಇದು ಬಾಲು ಹೊಸ ಗೆಟಪ್
ಸೂರಿ ತುಂಬಾ ಚೆನ್ನಾಗಿದ್ದ ಲೈಫಿನಲಿ- ಇಲ್ಲಿದೆ ಭಟ್ಟರ ಸಾಂಗು
ಸುರೇಶ್ ಋಣ ತೀರಿಸಲಿರುವ ಅಜಯ್ ನಿಜಕ್ಕೂ 'ಅದ್ವೈತ'!
ದಿಗಂತ್-ಜೆನ್ನಿಫರ್ 'ಬಿಸಿಲೆ' ತಮಿಳಿಗೆ ರಿಮೇಕ್
'ಈಗ' ಮುಹೂರ್ತ; ತೆಲುಗಿಗೆ ಸುದೀಪ್ ಅಧಿಕೃತ ಎಂಟ್ರಿ
'ಧನ್ ದನಾ' ಮೇಲೆ ಪಾರ್ವತಿ ಸಿಟ್ಟು | ವಿಕ್ಟರಿ ವಾಸು ಔಟ್