ಮುಖ್ಯ ಪುಟ » ಸುದ್ದಿ ಜಗತ್ತು » ಸುದ್ದಿಗಳು » ರಾಜ್ಯ ಸುದ್ದಿ » ಶ್ರೀರಾಮುಲು ನಿಜವಾದ ಹುಲಿ: ರೆಡ್ಡಿ ಉವಾಚ (Sri Ramulu | Janaradana Reddy | BJP | Yeddyurappa | Ballary)
Feedback
Print
ಶ್ರೀರಾಮುಲು ನಿಜವಾದ ಹುಲಿ: ರೆಡ್ಡಿ ಉವಾಚ 
ನಮಗೆ ಅಧಿಕಾರ ಮುಖ್ಯವಲ್ಲ...
ಬಳ್ಳಾರಿ, ಬುಧವಾರ, 28 ಅಕ್ಟೋಬರ್ 2009( 15:45 IST )
NRB
ಉತ್ತರ ಕರ್ನಾಟಕದ ನಿಜವಾದ ಹುಲಿ ಶ್ರೀರಾಮುಲು, ಅವರು ಮಾತು ಕೊಟ್ಟರೆ ತಪ್ಪುವುದಿಲ್ಲ, ತಪ್ಪಿದರೆ ಪ್ರಾಣ ಕೊಡಲು ಸಿದ್ದ. ನಾವು ಬಡವರಾಗಿದ್ದವರು. ಹತ್ತು ವರ್ಷಗಳ ಹಿಂದೆ ನಾವು ಸಾಮಾನ್ಯರಂತೆ ಇದ್ದವರು. ನಾವು ಶ್ರೀಮಂತರಾಗಿರುವುದು ಶ್ರೀರಾಮುಲು ಅವರಂಥ ಹಾಗೂ ನಿಮ್ಮಂಥ ಜನರಿಂದ ಎಂದರು.
ಅವರು ಬುಧವಾರ ಸಿರಗುಪ್ಪದ ಮಾಟೂರಿನಲ್ಲಿ ನೆರೆ ಸಂತ್ರಸ್ತರಿಗಾಗಿ ಐವತ್ತು ಸಾವಿರ ಮನೆ ಕಟ್ಟಿಸುವ ನವಗ್ರಾಮ ಯೋಜನೆಗೆ ಸಚಿವ ಕರುಣಾಕರ ರೆಡ್ಡಿ ಭೂಮಿ ಪೂಜೆ ನೆರವೇರಿಸಿದ ನಂತರ ನಡೆದ ಸಾರ್ವಜನಿಕ ಸಭೆಯನ್ನು ಉದ್ದೇಶಿಸಿ ಮಾತನಾಡಿದರು.
ಜನರ ಅಭಿವೃದ್ಧಿಗಾಗಿ ಒಳ್ಳೆಯ ಕೆಲಸ ಮಾಡಲು ಹೊರಟರು ಕೂಡ ಕೆಲವರು ಹೊಟ್ಟೆಕಿಚ್ಚು ಪಡುತ್ತಾರೆ. ನಮ್ಮವರೇ ನಮಗೆ ಅಡ್ಡಗಾಲು ಹಾಕುತ್ತಿದ್ದಾರೆ. ಅಧಿಕಾರದ ದಾಹ ಹೊಂದಿರುವ ಪಿಶಾಚಿಗಳ ರಾಜಕೀಯಕ್ಕೆ ಹೆದರುವುದಿಲ್ಲ ಎಂದು ಕಿಡಿಕಾರಿದರು.
NRB
ಬೆಂಗಳೂರಿನಲ್ಲಿ ಇರುವ ಕೆಲವು ನಾಯಕರು ನರಿ ಬುದ್ಧಿ ಹೊಂದಿದ್ದಾರೆ. ನೆರೆ ಸಂತ್ರಸ್ತರು ಒಂದೆಡೆ ಸೂರಿಗಾಗಿ ಒದ್ದಾಡುತ್ತಿದ್ದರೆ ಮತ್ತೊಂದೆಡೆ ಅಧಿಕಾರ ದಾಹ ಹೊಂದಿದವರು ಕೀಳು ಮಟ್ಟದ ರಾಜಕೀಯ ಮಾಡುತ್ತಿದ್ದಾರೆ. ಅಂತವರಿಗೆ ಜನರೇ ಬುದ್ಧ ಕಲಿಸುತ್ತಾರೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.
ವರ್ಗಾವಣೆಗೆ ಕಿಡಿ: ಬಳ್ಳಾರಿಯಲ್ಲಿ ಉತ್ತಮವಾಗಿ, ಪ್ರಾಮಾಣಿಕತೆಯಿಂದ ಕಾರ್ಯನಿರ್ವಹಿಸುತ್ತಿದ್ದ ಜಿಲ್ಲಾಧಿಕಾರಿ, ಪೊಲೀಸ್ ವರಿಷ್ಠಾಧಿಕಾರಿ, ಡಿಸಿಎಫ್ ಹಾಗೂ ಆರೋಗ್ಯ ಇಲಾಖೆ ಪ್ರಧಾನ ಕಾರ್ಯದರ್ಶಿಯನ್ನೂ ದಿಢೀರ್ ವರ್ಗಾವಣೆ ಮಾಡಲಾಗಿದೆ. ಇದು ನೀಚತನದ ರಾಜಕಾರಣ ಎಂದು ಸಿಎಂ ವಿರುದ್ಧ ಜನಾರ್ದನ ರೆಡ್ಡಿ ಕಿಡಿಕಾರಿದರು. ದುರುದ್ದೇಶದಿಂದಲೇ ನಿಷ್ಠಾವಂತ ಅಧಿಕಾರಿಗಳನ್ನು, ಅದರಲ್ಲೂ ದಲಿತ ಅಧಿಕಾರಿಗಳನ್ನು ವರ್ಗ ಮಾಡುವಂತಹ ಕೆಲಸಕ್ಕೆ ನಮ್ಮವರೇ ಮುಂದಾಗಿದ್ದಾರೆ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.