ಸಾಫ್ಟ್‌ವೇರ್ ದೈತ್ಯ ಇನ್ಫೋಸಿಸ್ ಟೆಕ್ನಾಲಜೀಸ್ 2009, ಜೂನ್ 30ಕ್ಕೆ ಕೊನೆಗೊಂಡ ಮೊದಲ ತ್ರೈಮಾಸಿಕ ಅವಧಿಯಲ್ಲಿ ಶೇಕಡಾ 17.28ರ ಪ್ರಗತಿ ದಾಖಲಿಸಿದ್ದು, 1,527 ಕೋಟಿ ರೂಪಾಯಿಗಳ ಲಾಭ ಗಳಿಸಿದೆ.
ಈ ಹಿಂದಿನ ಆರ್ಥಿಕ ವರ್ಷದ ಮೊದಲ ತ್ರೈಮಾಸಿಕ ಅವಧಿಯಲ್ಲಿ ಸಂಸ್ಥೆಯು 1,302 ಕೋಟಿ ರೂಪಾಯಿಗಳ ಆದಾಯ ಗಳಿಸಿತ್ತು ಎಂದು ಮುಂಬೈ ಶೇರು ಮಾರುಕಟ್ಟೆಗೆ ಸಲ್ಲಿಸಿರುವ ವರದಿಯಲ್ಲಿ ಇನ್ಫೋಸಿಸ್ ತಿಳಿಸಿದೆ.
ಕಂಪನಿಯು ಸಾಫ್ಟ್‌ವೇರ್ ಸೇವೆಗಳು, ಉತ್ಪಾದನೆಗಳು ಮತ್ತು ವ್ಯವಹಾರಿಕ ಕಾರ್ಯವಿಧಾನ ಆಡಳಿತದಿಂದ ಜೂನ್ 30ಕ್ಕೆ ಕೊನೆಗೊಂಡ ಮೊದಲ ತ್ರೈಮಾಸಿಕ ಅವಧಿಯಲ್ಲಿ 5,472 ಕೋಟಿ ರೂಪಾಯಿಗಳನ್ನು ಸಂಪಾದಿಸಿದೆ. ವರ್ಷಗಳ ಹಿಂದಿನ ಇದೇ ಅವಧಿಯಲ್ಲಿ 4,854 ಕೋಟಿ ರೂಪಾಯಿಗಳಷ್ಟಿದ್ದ ಮೊತ್ತವು ಶೇಕಡಾ 12.73ರ ಏರಿಕೆ ಕಂಡಿದೆ.
ಈ ಹಿಂದಿನ ತ್ರೈಮಾಸಿಕ ಅವಧಿಗೆ ಹೋಲಿಸಿದಾಗ ಇನ್ಫೋಸಿಸ್ ಒಟ್ಟು ಲಾಭವು ಶೇಕಡಾ 5.33ರ ಕುಸಿತ ಕಂಡಿದೆ. 2009ರ ಜನವರಿಯಿಂದ ಮಾರ್ಚ್‌ವರೆಗಿನ ತ್ರೈಮಾಸಿಕ ಅವಧಿಯಲ್ಲಿ ಕಂಪನಿಯು 1,613 ಕೋಟಿ ರೂಪಾಯಿಗಳ ಲಾಭ ಗಳಿಸಿದ್ದರೆ, ಈ ಬಾರಿ ಅದು 1,527 ಕೋಟಿ ರೂಪಾಯಿಗಳಿಗೆ ಕುಸಿದಿದೆ.
| 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ