ಆರ್‌ಜೆಡಿ ಹಾಗೂ ಇತರ ವಿರೋಧ ಪಕ್ಷಗಳ ಪರಿತ್ಯಕ್ತ ನಾಯಕರನ್ನು ಆಡಳಿತಾರೂಢ ಜೆಡಿಯು ಪಕ್ಷವು ತೆರೆದ ತೋಳಿನಿಂದ ಸ್ವಾಗತಿಸುತ್ತದೆ ಎಂಬುದಾಗಿ ಬಿಹಾರದ ಮುಖ್ಯಮಂತ್ರಿ ನಿತೀಶ್ ಕುಮಾರ್ ಹೇಳಿದ್ದಾರೆ.
ಜೆಡಿಯುಗೆ ಸೇರುವ ಆಯ್ಕೆಯು ಎಲ್ಲರಿಗೂ ಮುಕ್ತವಾಗಿದೆ. ಇತ್ತೀಚೆಗೆ ಆರ್‌ಜೆಡಿ ಮತ್ತು ಇತರ ವಿರೋಧ ಪಕ್ಷಗಳನ್ನು ತೊರೆದವರೂ ಸಹ ನಮ್ಮ ಪಕ್ಷಕ್ಕೆ ಬರಬಹುದು ಎಂಬುದಾಗಿ ನಿತೀಶ್ ಕುಮಾರ್ ಹೇಳಿದ್ದಾರೆ. ಲಾಲೂಪ್ರಸಾದ್ ಯಾದವ್ ಅವರ ನಂಬುಗೆಯ ಬಂಟರಾಗಿದ್ದ ಶ್ಯಾಮ್ ರಜಾಕ್ ಮತ್ತು ರಾಮ್ ನಿಹೋರಾ ಯಾದವ್ ಅವರುಗಳು ಲಾಲೂ ಅವರನ್ನು ತೊರೆಯುತ್ತಾರೆ ಎಂಬ ವಿಚಾರದ ಕುರಿತು ಅವರ ಗಮನ ಸೆಳೆದಾಗ ಅವರು ಈ ಆಹ್ವಾನ ನೀಡಿದ್ದಾರೆ.
ಆರ್‌ಜೆಡಿಗೆ ರಾಜೀನಾಮೆ ನೀಡಿದವರು ಅಥವಾ ಇತರ ವಿರೋಧ ಪಕ್ಷಗಳ ಸದಸ್ಯರು ಯಾರೇ ಆದರೂ ಪಕ್ಷಕ್ಕೆ ಸೇರ್ಪಡೆಗೊಳ್ಳಲು ಬಯಸಿದರೆ ಅವರನ್ನು ಮುಕ್ತ ಬಾಹುಗಳಿಂದ ಸ್ವಾಗತಿಸಲಾಗುವುದು ಎಂದು ಅವರು ಹೇಳಿದರು. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ