ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಕ್ಲೈಮ್ಯಾಕ್ಸ್ ಹಂತದಲ್ಲಿ ಸುದೀಪ್‌ರ 'ವೀರ ಪರಂಪರೆ' (Sudeep | Veera Parampare | Ambarish | Aindritha Rey | S.Narayan)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಕ್ಲೈಮ್ಯಾಕ್ಸ್ ಹಂತದಲ್ಲಿ ಸುದೀಪ್‌ರ 'ವೀರ ಪರಂಪರೆ' (Sudeep | Veera Parampare | Ambarish | Aindritha Rey | S.Narayan)
Feedback
Printಕ್ಲೈಮ್ಯಾಕ್ಸ್ ಹಂತದಲ್ಲಿ ಸುದೀಪ್‌ರ 'ವೀರ ಪರಂಪರೆ' 
 |
PR |
ಸುದೀಪ್ ಹಾಗೂ ಅಂಬರೀಷ್ ತಂದೆ ಮಗನಾಗಿ ನಟಿಸುತ್ತಿರುವ ಈ ಚಿತ್ರಕ್ಕೆ ನಾರಾಯಣ್ ಹೇರಳ ಹಣ ಸುರಿದಿದ್ದಾರಂತೆ. ಮನಸಾರೆಯ ಬೆಡಗಿ ಐಂದ್ರಿತಾ ರೇ ಕೂಡಾ ಈ ಚಿತ್ರದಲ್ಲಿರುವುದು ವಿಶೇಷ. ಬಿಗ್ ಬಜೆಟ್ ಚಿತ್ರದ ಬಹುತೇಕ ಚಿತ್ರೀಕರಣ ಪೂರ್ಣಗೊಂಡಿದ್ದು ಕ್ಲೈಮ್ಯಾಕ್ಸ್ ಶೂಟಿಂಗ್ ಈಗ ನಡೆಯುತ್ತಿದೆ. ಇದೇ ವೇಳೆ ಚಿತ್ರದ ಆಡಿಯೋ ಕೂಡಾ ಬಿಡುಗಡೆಗೊಂಡಿದೆ.
ವೀರ ಪರಂಪರೆಯ ಕಿರಿಯ ಕುಡಿಯಾಗಿರುವ ಸುದೀಪ್ ಹಾಗೂ ಅವರ ತಂದೆಯಾಗಿರುವ ಅಂಬರೀಷ್ ಹೇಗೆ ಕುಲ ಗೌರವವನ್ನು ಹೋರಾಡಿ ಉಳಿಸಿಕೊಳ್ಳುತ್ತಾರೆ ಎನ್ನುವುದೇ ಚಿತ್ರದ ಕ್ಲೈಮ್ಯಾಕ್ಸ್ ಅಂತೆ. ಬಿಡುಗಡೆ ಆಗದ ಬ್ರಹ್ಮ ಚಿತ್ರದಲ್ಲಿ ಅಂಬಿ-ಸುದೀಪ್ ಒಟ್ಟಾಗಿ ಅಭಿನಯಿಸಿದ್ದರು. ಇದೀಗ ಈ ಚಿತ್ರದಲ್ಲಿ ಒಂದಾಗಿದ್ದಾರೆ. ಇದೊಂದು ಸೆಂಟಿಮೆಂಟ್ ಚಿತ್ರವಾಗಿದ್ದು, ಭಾವನೆಗಳ ಮಹಾಪೂರವೇ ಇಲ್ಲಿ ಹರಿಯಲಿದೆಯಂತೆ.
ಗೋಕಾಕ್‌ನ ಪುರಾತನ ಭವ್ಯ ಕಟ್ಟಡದಲ್ಲಿ ಚಿತ್ರದ ಕ್ಲೈಮ್ಯಾಕ್ಸ್ ಚಿತ್ರೀಕರಣ ನಡೆದಿದೆ. ಇದಕ್ಕಾಗಿ ಸಾಹಸ ನಿರ್ದೇಶಕ ಡಿಫರಂಟ್ ಡ್ಯಾನಿ ವಿಭಿನ್ನ ಸಾಹಸ ಸಂಯೋಜನೆ ಮಾಡಿದ್ದಾರಂತೆ. ಇದಲ್ಲದೇ ಚಿತ್ರವು ಗೋಕಾಕ್, ಬೆಂಗಳೂರು, ಮೈಸೂರು, ಮಲೇಷ್ಯಾಗಳಲ್ಲಿಯೂ ಚಿತ್ರೀಕರಣಗೊಂಡಿದೆ. ಚಿತ್ರ ಶೀಘ್ರವೇ ತೆರೆಗೆ ಬರಲಿದ್ದು, ಯಾವ ರೀತಿಯಲ್ಲಿ ಜನರನ್ನು ಸೆಳೆಯಲಿದೆ ಎಂಬುದನ್ನು ಕಾದು ನೋಡಬೇಕು.