ಮುಖ್ಯ ಪುಟ 
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಮುಮೈತ್ ಖಾನ್ 'ಸ್ವಯಂಕೃಷಿ' & ಮುಖ್ಯಮಂತ್ರಿ ಅಂಬರೀಷ್!
(Mumaith Khan | Swayam Krushi | Veerendra Babu | Ambarish)
ಮನರಂಜನೆ » ಸ್ಯಾಂಡಲ್ ವುಡ್ » ಸುದ್ದಿ/ಗಾಸಿಪ್ » ಮುಮೈತ್ ಖಾನ್ 'ಸ್ವಯಂಕೃಷಿ' & ಮುಖ್ಯಮಂತ್ರಿ ಅಂಬರೀಷ್!
(Mumaith Khan | Swayam Krushi | Veerendra Babu | Ambarish)
Feedback
Printಮುಮೈತ್ ಖಾನ್ 'ಸ್ವಯಂಕೃಷಿ' & ಮುಖ್ಯಮಂತ್ರಿ ಅಂಬರೀಷ್!
PR
ಆದರೆ ಇದಕ್ಕಾಗಿ ಒತ್ತಾಯ ಬರುತ್ತಿರುವುದಂತೂ ಹೌದು. ಅವರನ್ನೇ ಮುಖ್ಯಮಂತ್ರಿಯನ್ನಾಗಿ ಮಾಡಬೇಕೆಂದು ವಶೀಲಿಬಾಜಿ ನಡೆಸಲಾಗುತ್ತಿದೆ. ಇದಕ್ಕೆಲ್ಲ ಅಂಬರೀಷ್ ಯಾವ ಪ್ರತಿಕ್ರಿಯೆ ನೀಡಲಿದ್ದಾರೆ ಎನ್ನುವುದಷ್ಟೇ ಈಗ ಕುತೂಹಲ. ಒಂದು ವೇಳೆ ಒಪ್ಪಿಗೆ ನೀಡಿದರೆ 'ಸ್ವಯಂಕೃಷಿ' ಚಿತ್ರದಲ್ಲಿ ಅವರೇ ಮುಖ್ಯಮಂತ್ರಿ!
ಇದು ಸಿನಿಮಾ ಎಂದು ಈಗಾಗಲೇ ನಿಮಗೆ ಅರ್ಥವಾಗಿರಬಹುದು. ವಿಷಯ ಏನಪ್ಪಾ ಅಂದ್ರೆ, ವೀರೇಂದ್ರ ಬಾಬು ಎಂಬವರು ನಿರ್ದೇಶಿಸುತ್ತಿರುವ 'ಸ್ವಯಂಕೃಷಿ' ಚಿತ್ರದಲ್ಲಿ ಮುಖ್ಯಮಂತ್ರಿ ಪಾತ್ರವೊಂದಿದೆಯಂತೆ. ಅದನ್ನು ಅಂಬರೀಷ್ ಮಾಡಿದರೇನೇ ಚೆನ್ನ ಎನ್ನುವುದು ಅವರ ಒತ್ತಾಸೆ. ಇದನ್ನು ಅಂಬಿ ಗಮನಕ್ಕೆ ಇನ್ನಷ್ಟೇ ತರಬೇಕಿದೆ. ಅವರು ಒಪ್ಪಿಕೊಂಡರೆ ಸ್ವರ್ಗಕ್ಕೆ ಮೂರೇ ಗೇಣು ಎಂದು ಗೊಣಗುತ್ತಿದ್ದಾರೆ ಬಾಬು.
ಈ ಸಿನಿಮಾದಲ್ಲಿ ಕನ್ನಡಿಗ, ತಮಿಳು-ತೆಲುಗಿನ ಜನಪ್ರಿಯ ಖಳನಟ ಸುಮನ್ ಕೂಡ ನಟಿಸುತ್ತಿದ್ದಾರೆ. ಮುಖ್ಯಮಂತ್ರಿಯ ಪಾತ್ರ ಪ್ರಮುಖವಾಗಿರುವುದರಿಂದ ಅಂಬಿ ಒಪ್ಪಿಕೊಳ್ಳುವ ವಿಶ್ವಾಸವಿದೆ. ಈ ಬಗ್ಗೆ ಈಗಾಗಲೇ ಸುಮಲತಾ ಜತೆ ಮಾತನಾಡಿದ್ದೇವೆ ಎಂದು ಚಿತ್ರತಂಡ ಹೇಳಿಕೊಂಡಿದೆ.
ಮುಮೈತ್ ಖಾನ್ ಕುಣಿತ...
ತಮನ್ನಾ ನಾಯಕಿಯಾಗಿರುವ ಈ ಚಿತ್ರದಲ್ಲಿ ಮುಮೈತ್ ಖಾನ್ ನರ್ತನವೂ ಇದೆ. ಅದೇ ನಿಟ್ಟಿನಲ್ಲಿ ಇತ್ತೀಚೆಗಷ್ಟೇ ಖಾನ್ ರಾಕ್‌ಲೈನ್ ಸ್ಟುಡಿಯೋಕ್ಕೆ ಬಂದು ಕುಣಿದು-ಕುಪ್ಪಳಿಸಿ ಹೋಗಿದ್ದಾರೆ. ಭರ್ಜರಿಯಾಗಿ ಡ್ಯಾನ್ಸ್ ಮಾಡಿದ್ದಾರಂತೆ.
ಹಾಡಿನಲ್ಲಿ ಮುಮೈತ್ ಜತೆ ಖಳನಟ ಸುಮನ್ ಕೂಡ ಭಾಗವಹಿಸಿದ್ದಾರೆ. ಹತ್ತಾರು ನೃತ್ಯ ಕಲಾವಿದರು ಕೂಡ ಚಿತ್ರೀಕರಣದಲ್ಲಿ ಪಾಲ್ಗೊಂಡಿದ್ದರು.
ಪ್ರಧಾನ ಭೂಮಿಕೆಯಲ್ಲಿ ರಂಗಾಯಣ ರಘು, ಉಮಾಶ್ರೀ ಮುಂತಾದವರಿರುತ್ತಾರೆ ಎಂದು ನಿರ್ಮಾಪಕರೂ ಆಗಿರುವ ವೀರೇಂದ್ರ ಬಾಬು ಹೇಳಿದ್ದಾರೆ.