ಮುಖ್ಯ ಪುಟ 
ಮನರಂಜನೆ » ಬಾಲಿವುಡ್‌ » ಸಿನಿಮಾ ವಿಮರ್ಶೆ » ಪುನರ್ಜನ್ಮದ ಕಥೆಯುಳ್ಳ 'ಕರ್ಮ' ಎಂಬ ಥ್ರಿಲ್ಲರ್ (Karma | Kudrat | Carlucci Veyant | Reincarnation | Claudia Ciesla)
ಮನರಂಜನೆ » ಬಾಲಿವುಡ್‌ » ಸಿನಿಮಾ ವಿಮರ್ಶೆ » ಪುನರ್ಜನ್ಮದ ಕಥೆಯುಳ್ಳ 'ಕರ್ಮ' ಎಂಬ ಥ್ರಿಲ್ಲರ್ (Karma | Kudrat | Carlucci Veyant | Reincarnation | Claudia Ciesla)
Feedback
Print
ಪುನರ್ಜನ್ಮದ ಕಥೆಯುಳ್ಳ 'ಕರ್ಮ' ಎಂಬ ಥ್ರಿಲ್ಲರ್ 
 | ||
|
ಆದರೂ, ಯಾಕೋ ಕುದ್ರತ್‌ಗೆ ಹೋಲಿಸಿದರೆ, ಕರ್ಮ ಹಳಿತಪ್ಪಿದಂತೆ ಅನಿಸುತ್ತದೆ. ಒಂದು ಭಾರೀ ಇಂಟರೆಸ್ಟಿಂಗ್ ಆರಂಭದ ನಂತರ ಚಿತ್ರ ಮಧ್ಯಂತರದಲ್ಲಿ ಆಸಕ್ತಿಯನ್ನು ಕಳೆದುಕೊಳ್ಳುತ್ತದೆ. ಅರ್ಥಾತ್ ಪ್ರೇಕ್ಷಕನನ್ನು ಹಿಡಿದಿಡುವಲ್ಲಿ ಸೋಲುತ್ತದೆ. ಆದರೆ ಕೆಲವೆಡೆ ಅತ್ಯುತ್ತಮವಾಗಿಯೂ ಕಾಣುತ್ತದೆ.
ವಿಕ್ರಮ್ (ಕಾರ್ಲಸಿ ವೇಯಾಂತ್) ತನ್ನ ತಂದೆ ರಣ್‌ವೀರ್ (ವಿಜಯೇಂದ್ರ ಘಾಟೆ) ಜತೆಗಿನ ವೈಮನಸ್ಸಿನಿಂದ ಕಳೆದ 30 ವರ್ಷಗಳಿಂದ ಬೇರೆಯೇ ಇರುತ್ತಾನೆ. ಆದರೆ 30 ವರ್ಷದ ನಂತರ ಎರಡು ಮೂರು ದಿನಗಳಿಗಾಗಿ ನ್ಯೂಯಾರ್ಕ್‌ನಿಂದ ತನ್ನ ಈಗಷ್ಟೇ ಮದುವೆಯಾದ ಹೆಂಡತಿ ಅನ್ನಾ (ಅಲ್ಮಾ ಸರಾಸಿ) ಜತೆಗೆ ತಂದೆಯಿರುವ ಊಟಿಗೆ ಬರುತ್ತಾನೆ.
 | ||
|
ಕೊಲೆಯ ಬೆನ್ನತ್ತಿ ಸಾಗಿದಾಗಲೇ ಅವರಿಗೆ ಲಿಂದಾ (ಕ್ಲಾಡಿಯಾ) ಎಂಬಾಕೆಯ ಅತ್ಯಾಚಾರ ಹಾಗೂ ಕೊಲೆ ನಡೆದ ಮೇಲೆ ಆಕೆಯ ಆತ್ಮವೇ ಪುನರ್ಜನ್ಮದಲ್ಲಿ ಅನ್ನಾ ರೂಪದಲ್ಲಿ ಬಂದಿದೆ ಎಂಬುದು ತಿಳಿಯುತ್ತದೆ.
ನಿರ್ದೇಶಕ ಎಂ.ಆರ್.ಶಹಜಹಾನ್ ಚಿತ್ರದ ಹಲವು ಭಾಗಗಳನ್ನು ಚೆನ್ನಾಗಿಯೇ ನಿಭಾಯಿಸಿದ್ದಾರೆ. ಆದರೆ ಚಿತ್ರದ ಕಥೆಯ ಪರಾಕಾಷ್ಠೆ ಮಾತ್ರ ಸತ್ವಹೀನವಾದಂತೆ ಅನಿಸುತ್ತದೆ. ಥ್ರಿಲ್ಲರ್ ಹೇಗಿರಬೇಕೆಂದರೆ, ಕೊನೆಯವರೆಗೂ ವೀಕ್ಷಕನಿಗೆ ಇಂಥದ್ದೇ ಈ ಕಥೆಯ ಕೊನೆ ಎಂದು ಅಂದಾಜು ಮಾಡದಂತಿರಬೇಕು. ಜತೆಗೆ ಯಾವುದೇ ಪ್ರಶ್ನೆಗಳನ್ನೂ ಅದು ಉಳಿಸಬಾರದು. ಆದರೆ ಕರ್ಮ ಚಿತ್ರದ ಕೊನೆಯಾಗುವ ಮೊದಲೇ ಅಂತ್ಯ ಏನೆಂದು ಊಹಿಸಬಹುದಾದಷ್ಟು ಸುಲಭವಾಗಿರುತ್ತದೆ. ಆರೋಪಿಯನ್ನು ಪ್ರೇಕ್ಷಕನೇ ಮೊದಲು ಊಹಿಸುವ ಸಾಧ್ಯತೆ ಇಲ್ಲಿದೆ. ಜತೆಗೆ ಇಲ್ಲಿ ಫ್ಲ್ಯಾಷ್‌ಬ್ಯಾಕ್ ಕಥೆ ಅಷ್ಟೊಂದು ಸರಿಯಾಗಿ ಹೆಣೆದಂತೆ ಅನಿಸುವುದಿಲ್ಲ.
ಚಿತ್ರದಲ್ಲಿ ಅಲ್ಮಾ ಸರಾಸಿ ಹಾಗೂ ಕಾರ್ಲಸಿ ವೇಯಾಂತ್ ಇಬ್ಬರೂ ಪ್ರಮುಖ ಪಾತ್ರಗಳು. ಇಬ್ಬರೂ ಅತ್ಯುತ್ತಮವಾಗಿ ಪಾತ್ರವನ್ನು ನಿಭಾಯಿಸಿದ್ದಾರೆ. ಅದರಲ್ಲೂ ಅಲ್ಮಾ ಅಭಿನಯ ತುಂಬ ಚೆನ್ನಾಗಿ ಮೂಡಿ ಬಂದಿದೆ. ಸಲ್ಮಾನ್‌ನ ಹೊಸ ಗೆಳತಿಯಾಗಿ ಬಾಲಿವುಡ್ಡಿಗೆ ವಲಸೆ ಬಂದ ಜರ್ಮನ್ ಮಾಡೆಲ್ ಕ್ಲಾಡಿಯಾ ಸೀಸ್ಲಾಗೆ ಅಂಥ ಸ್ಕೋಪ್ ಈ ಚಿತ್ರದಲ್ಲಿಲ್ಲ.
ಒಟ್ಟಾರೆಯಾಗಿ ಕರ್ಮದ ಇಡೀ ಜೀವಾಳ ಅಷ್ಟಾಗಿ ಹಿತವಿಲ್ಲದಿದ್ದರೂ, ಬಿಡಿಬಿಡಿಯಾಗಿ ಕೆಲವು ಭಾಗಗಳು ಮನಸೆಳೆಯುತ್ತದೆ ಎಂಬುದರಲ್ಲಿ ಎರಡು ಮಾತಿಲ್ಲ.