ಇಸ್ಲಾಮಾಬಾದ್, ಬುಧವಾರ, 28 ಅಕ್ಟೋಬರ್ 2009( 17:01 IST )
ಹೆಚ್ಚಿನ ನಂಬುಗೆ ಬೆಳೆಸಿಕೊಳ್ಳುವ ಮೂಲಕ ಮತ್ತು ಹೆಚ್ಚೆಚ್ಚು ವಿಶ್ವಾಸ ವೃದ್ಧಿ ಕ್ರಮಗಳ ಮೂಲಕ ಭಾರತ ಮತ್ತು ಪಾಕಿಸ್ತಾನಗಳು ತಮ್ಮ ನಡುವಿನ ವೈಮನಸ್ಸುಗಳನ್ನು ಪರಿಹರಿಸಿಕೊಳ್ಳುವುದು ಅತ್ಯಂತ ಪ್ರಮುಖವೆಂಬುದಾಗಿ ಅಮೆರಿಕ ಭಾವಿಸುತ್ತದೆ ಎಂದು ಅಮೆರಿಕದ ವಿದೇಶಾಂಗ ಕಾರ್ಯದರ್ಶಿ ಹಿಲರಿ ಕ್ಲಿಂಟನ್ ಬುಧವಾರ ಹೇಳಿದ್ದಾರೆ.
ತಾನು ಅಧಿಕಾರ ವಹಿಸಿಕೊಂಡ ಬಳಿಕ ಪಾಕಿಸ್ತಾನಕ್ಕೆ ಚೊಚ್ಚಲ ಭೇಟಿ ನೀಡಿರುವ ಕ್ಲಿಂಟನ್, ಯಾವುದೇ ದೀರ್ಘಾಕಾಲೀನ ಪರಿಹಾರ ಅಥವಾ ಸಹಜತೆಯು ಉಭಯರಾಷ್ಟ್ರಗಳಿಂದಲೇ ಬರಲು ಸಾಧ್ಯ ಎಂಬುದಾಗಿ ಒಬಾಮ ಸರ್ಕಾರ ನಂಬುತ್ತದೆ ಎಂಬುದಾಗಿ ನುಡಿದರು.
ಉಭಯ ರಾಷ್ಟ್ರಗಳು ಅದಾಗಲೇ, ವಿಶ್ವಾಸ ವೃದ್ಧಿ ಹಾಗೂ ಪರಸ್ಪರ ನಂಬುಗೆಯನ್ನು ಹೆಚ್ಚಿಸಿದ್ದು, ತಮ್ಮ ದ್ವಿಪಕ್ಷೀಯ ಸಮಸ್ಯೆಗಳನ್ನು ಪರಿಹರಿಸಿಕೊಳ್ಳುವತ್ತ ಕಾರ್ಯವೆಸಗುತ್ತಿವೆ ಎಂದು ಅವರು ನುಡಿದ ಅವರು ಉಭಯ ರಾಷ್ಟ್ರಗಳ ನಡುವಿನ ಬಸ್ ಸಂಚಾರದ ಆರಂಭವನ್ನು ಶ್ಲಾಘಿಸಿದರು.