ಮುಖ್ಯ ಪುಟ 
ಮನರಂಜನೆ » ಬಾಲಿವುಡ್‌ » ಸುದ್ದಿ/ಗಾಸಿಪ್ » ರಣ್: ವರ್ಮಾಗೆ ಸುಪ್ರೀಂಕೋರ್ಟ್ ಮಂಗಳಾರತಿ (Ram Gopal Varma | Supreme Court | Jana Gana Mana Rann)
ಮನರಂಜನೆ » ಬಾಲಿವುಡ್‌ » ಸುದ್ದಿ/ಗಾಸಿಪ್ » ರಣ್: ವರ್ಮಾಗೆ ಸುಪ್ರೀಂಕೋರ್ಟ್ ಮಂಗಳಾರತಿ (Ram Gopal Varma | Supreme Court | Jana Gana Mana Rann)
Feedback
Print
ರಣ್: ವರ್ಮಾಗೆ ಸುಪ್ರೀಂಕೋರ್ಟ್ ಮಂಗಳಾರತಿ 
 | ||
|
'ಚಿತ್ರದ ಹಾಡು ರಾಷ್ಟ್ರಗೀತೆಯನ್ನು ತಿರುಚಿ ಬರೆದಂತಿರುವುದು ಹೌದು. ಇದರಿಂದ ತಪ್ಪು ಅಭಿಪ್ರಾಯ ಮೂಡುತ್ತದೆ ಹಾಗೂ ಜನರಿಗೆ ತಪ್ಪು ಸಂದೇಶ ರವಾನಿಸಿದಂತಾಗುತ್ತದೆ' ಎಂದು ಸುಪ್ರೀಕೋರ್ಟ್ ಹೇಳಿದೆ. ಅಲ್ಲದೆ, ಈ ಹಾಡಿನಲ್ಲಿರುವ ಕೆಲ ಪದಗಳನ್ನು ತೆಗೆದುಹಾಕುವಂತೆ ಸೆನ್ಸಾರ್ ಮಂಡಳಿ ನೀಡಿದ್ದ ಆಜ್ಞೆಗೆ ತಡೆ ನೀಡಲು ಸುಪ್ರೀಂಕೋರ್ಟ್ ನಿರಾಕರಿಸಿದೆ.
ವರ್ಮಾ ಇಷ್ಟಕ್ಕೇ ಸುಮ್ಮನಿದ್ದರೆ ಸರಿ. ಈಗ ಹೊಸತೊಂದು ಅಭಿಯಾನ ಶುರು ಹಚ್ಚಿದ್ದಾರೆ. ಜಪ್ಪಯ್ಯ ಅಂದರೂ ಈ ಹಾಡನ್ನು ಚಿತ್ರದಿಂದ ತೆಗೆದುಹಾಕಲಾರೆ ಎಂದು ಭೀಷ್ಮ ಪ್ರತಿಜ್ಞೆ ತೊಟ್ಟಿರುವ ರಣ್‌ನ ವರ್ಮಾ ಬಳಗ ಈಗ ಜನ ಗಣ ಮನ ರಣ್... ಗೀತೆಯ 500 ಸಿಡಿ ಪ್ರತಿಗಳ್ನು ತಯಾರಿಸಿದೆ. ತಯಾರಿಸಿ ಇಟ್ಟುಕೊಂಡು ಮನೆಯಲ್ಲೇನು ಪೂಜೆ ಮಾಡುತ್ತಿಲ್ಲ. ಬದಲಾಗಿ ಭಾರತದ 500 ಸಂಸದರಿಗೆ ಈ ಸಿಡಿ ಪ್ರತಿಯನ್ನು ರವಾನಿಸಿಯೂ ಬಿಟ್ಟಿದೆ.
ರಣ್ ಚಿತ್ರದ ಸಹ ನಿರ್ಮಾಪಕರಾದ ಮಧು ಮಂಟೇನಾ ಹಾಗೂ ಶೀತಲ್ ತಲ್ವಾರ್ ಅವರಿಬ್ಬರೂ 500 ಸಿಡಿಗಳನ್ನು ತಯಾರಿಸಿ 500 ಸಂಸದರಿಗೆ ಕಳುಹಿಸಿಕೊಟ್ಟಿದ್ದಾರೆ. ಈ ಬಗ್ಗೆ ಮಂಟೇನಾ ಹೇಳುವುದು ಹೀಗೆ- ''ಭಾರತವನ್ನು ಮುನ್ನಡೆಸುವ ನಾಯಕರು ನಾವು ರಣ್‌ನಲ್ಲಿ ಏನು ಮಾಡಿದ್ದೇವೆ ಎಂದು ಸ್ವತಃ ಪ್ರತ್ಯಕ್ಷವಾಗಿ ನೋಡಿ ಅರಿಯಲಿ. ದೇಶದಲ್ಲಿ ಆಗುತ್ತಿರುವ ಅಧಃಪತನವನ್ನು ಸರಿದಾರಿಗೆ ತರುವ ದ್ಯೋತಕವಾಗಿ ಈ ಹಾಡನ್ನು ನಾವು ಬರೆದರೆ, ನಾವು ರಾಷ್ಟ್ರಗೀತೆಗೆ ಅಪಮಾನ ಮಾಡಿದ್ದೇವೆ ಎಂದರು. ದೇಶದಲ್ಲಿ ನಡೆಯುವ ಅನಾಚಾರಗಳ ವಿರುದ್ಧ ಪ್ರತಿಭಟನೆ ಮಾಡುತ್ತಾ ಕೂತರೆ, ಇನ್ನು ನಡೆಯುವುದಿಲ್ಲ. ಅದು ತೀರಾ ಅಲಕ್ಷ್ಯಕ್ಕೆ ಒಳಗಾಗಿದೆ. ದೇಶ ಬದಲಾಗಬೇಕು. ಆ ಬದಲಾವಣೆಗೆ ಪ್ರತಿಭಟನೆಯ ರೂಪವಾಗಿ ಈ ಹಾಡು ಹೊರಬಂದಿದೆ.''
''ನಾವು ಸಂಸದರಿಗೆ ಈ ಸಿಡಿಯನ್ನು ಅವರು ಸುಪ್ರೀಂಕೋರ್ಟಿನಲ್ಲಿ ಇನ್‌ಫ್ಲುಯೆನ್ಸ್ ಮಾಡಲಿ ಎಂಬ ಉದ್ದೇಶದಿಂದ ಕಳುಹಿಸಿಕೊಟ್ಟಿಲ್ಲ. ಅವರು ನೋಡಿ ಅರ್ಥಮಾಡಿಕೊಳ್ಳಲಿ. ಒಮ್ಮೆ ಇದ್ನನು ನೋಡಿದರೆ, ಖಂಡಿತ ಇದರಲ್ಲಿ ರಾಷ್ಟ್ರಗೀತೆಯನ್ನು ಅವಮಾನ ಮಾಡಿಲ್ಲ ಎಂದು ತಿಳಿಯುತ್ತದೆ. ಅದು ಎಲ್ಲರಿಗೆ ಅರ್ಥವಾಗಲಿ ಎಂಬ ಉದ್ದೇಶದಿಂದ ಕಳುಹಿಸಿದ್ದೇವೆ.'' ಎನ್ನುತ್ತಾರೆ ಮಂಟೇನಾ
ಅಂದಹಾಗೆ ಈ ಚಿತ್ರ ಅಕ್ಟೋಬರ್ 2ರ ಗಾಂಧಿ ಜಯಂತಿಯಂದು ಬಿಡುಗಡೆಯಾಗಲಿದೆ. ಇನ್ನೂ ಅಕ್ಟೋಬರ್‌ವರೆಗೆ ಏನೇನು ವರ್ಮಾ ರೂಪಗಳನ್ನು ನೋಡಲಿದೆಯೋ...
 | ||
|