ನಾ ಡಿಸೋಜಾಗೆ ವರ್ಧಮಾನ ಪೀಠ ಪ್ರಶಸ್ತಿ ಮೂಡಬಿದ್ರಿ, ಮಂಗಳವಾರ, 23 ಅಕ್ಟೋಬರ್ 2007( 14:41 IST )

ಪ್ರಖ್ಯಾತ ಮನಃಶಾಸ್ತ್ರಜ್ಞ ಮತ್ತು ಕನ್ನಡ ಲೇಖಕ ಶಿವಮೊಗ್ಗದ ನಾ ಡಿಸೋಜಾ 27ನೇ ವರ್ಧಮಾನ ಪೀಠ ಸಾಹಿತ್ಯ ಪ್ರಶಸ್ತಿ 2006"ಕ್ಕೆ ಪುರಸ್ಕೃತರಾಗಿದ್ದಾರೆ. ಡಿಸೋಜಾ ಬರೆದಿರುವ "ಇಗರ್ಜಿಯ ಸುತ್ತಲೂ ಹತ್ತು ಮನೆಗಳು" ಕಾದಂಬರಿಗೆ ವರ್ಧಮಾನ ಪೀಠ ಸ್ಥಾಪಿಸಿರುವ ಈ ಪ್ರಶಸ್ತಿಯನ್ನು ನೀಡಿ ಪುರಸ್ಕರಿಸಲಾಗಿದೆ. ಪೀಠದ ಕಾರ್ಯನಿರ್ವಾಹಕ ಸಭೆಯ ಬಳಿಕ ಪ್ರಶಸ್ತಿಗಳನ್ನು ಪ್ರಕಟಿಸಿದ ಪೀಠದ ನಿರ್ದೇಶಕ ಮೊಗಸಾಲೆ, ಪ್ರಶಸ್ತಿಯು 5000 ರೂ. ನಗದು, ಪ್ರಶಸ್ತಿ ಪತ್ರ ಒಳಗೊಂಡಿದ್ದು ಮುಂದಿನ ತಿಂಗಳ ನಡೆಯುವ ಸಮಾರಂಭದಲ್ಲಿ ನೀಡಲಾಗುವುದು ಎಂದು ಹೇಳಿದರು. ವರ್ಧಮಾನ ಪೀಠ ಉದಯೋನ್ಮುಖ ಸಾಹಿತ್ಯ ಪ್ರಶಸ್ತಿಯನ್ನು ಅಗ್ರಹಾರ ಕೃಷ್ಣಮೂರ್ತಿ ಅವರಿಗೆ ನೀಡಲಾಗಿರುವ ವಿಷಯವನ್ನು ಅವರು ತಿಳಿಸಿದರು. ಕೇಂದ್ರ ಸಾಹಿತ್ಯ ಅಕಾಡೆಮಿಯ ಕಾರ್ಯದರ್ಶಿಯಾಗಿರುವ ಅಗ್ರಹಾರ ಕೃಷ್ಣಮೂರ್ತಿ ಬರೆದಿರುವ ನೀರು ಮತ್ತು ಪ್ರೀತಿ ಪುಸ್ತಕಕ್ಕಾಗಿ ಈ ಪ್ರಶಸ್ತಿ ಸಂದಿದೆ, ಮಾಧವ ಕುಲಕರ್ಣಿ, ಡಾ. ಕಮಲಾ ಹೆಮ್ಮಿಗೆ ಮತ್ತು ವೀಗಾ ನಾಯಕ್ ತೀರ್ಪುಗಾರರ ಸಮಿತಿಯು ಪ್ರಶಸ್ತಿಗೆ ಉತ್ತಮ ಪುಸ್ತಕಗಳನ್ನು ಆಯ್ಕೆ ಮಾಡಿದೆಯೆಂದು ಅವರು ತಿಳಿಸಿದ್ದಾರೆ.