ಜವಾಹರಲಾಲ್ ನೆಹರೂ ಬಳಿಕ ಪ್ರಧಾನಮಂತ್ರಿ ಮನಮೋಹನ್ ಸಿಂಗ್ ಅವರು 276 ವರ್ಷಗಳಷ್ಟು ಹಳೆಯದಾಗ ಉರಾಲ್ ಪರ್ವತಗಳಲ್ಲಿರುವ ರಷ್ಯಾದ ನಗರ ಯೆಕಟೆರಿನ್‌ಬರ್ಗ್ ನಗರಕ್ಕೆ ಮಂಗಳವಾರ ಭೇಟಿ ನೀಡಲಿದ್ದಾರೆ. ವಿಶ್ವವಿಖ್ಯಾತ ತಾಜ್‌ಮಹಲ್ ಅಲಂಕಾರಕ್ಕೆ ಹರಳುಗಳನ್ನು ಇಲ್ಲಿಂದಲ್ಲೇ ತಂದಿತ್ತೆಂದು ಹೇಳಲಾಗಿದೆ.
ಯೆಕಟೆರಿನ್‌ಬರ್ಗ್‌ನಲ್ಲಿ ಪ್ರಧಾನಮಂತ್ರಿ ಬ್ರೆಜಿಲ್-ರಷ್ಯಾ-ಭಾರತ-ಚೀನಾ ಸಮ‌ೂಹ ಮತ್ತು 6 ರಾಷ್ಟ್ರಗಳ ಶಾಂಗಾಯ್ ಸಹಕಾರ ಸಂಘಟನೆಯ ಎರಡು ಶೃಂಗಸಭೆಗಳಲ್ಲಿ ಭಾಗವಹಿಸಲಿದ್ದಾರೆ.ಹಿಂದಿನ ಸೋವಿಯತ್ ರಷ್ಯಾಕ್ಕೆ ಪ್ರಥಮ ಪ್ರಧಾನಮಂತ್ರಿ ಜವಾಹರಲಾಲ್ ನೆಹರೂ ತಮ್ಮ ಪುತ್ರಿ ಇಂದಿರಾಗಾಂಧಿ ಜತೆ ಭಾರೀ ಎಂಜಿನಿಯರಿಂಗ್ ಘಟಕ 'ಉರಾಲ್‌ಮಶ್' ಇರುವ ವಿಶ್ವವಿಖ್ಯಾತ ಕೈಗಾರಿಕೆ ನಗರಕ್ಕೆ ಭೇಟಿ ನೀಡಿದ್ದರು.
ನೆಹರೂ ಉರಾಲ್‌ಮಶ್ ಘಟಕದ ಬಗ್ಗೆ ಅತೀವ ಆಸಕ್ತಿ ತೋರಿಸಿದ ಬಳಿಕ ಅಲ್ಲಿಂದ ಭಿಲಾಯ್ ಉಕ್ಕಿನ ಕಾರ್ಖಾನೆ ಮತ್ತಿತರ ಕೈಗಾರಿಕೆಗಳಿಗೆ ಉಪಕರಣವನ್ನು ಪೂರೈಕೆ ಮಾಡಿತ್ತು. ತಮಿಳುನಾಡಿನಲ್ಲಿ ನಿರ್ಮಾಣವಾಗುತ್ತಿರುವ ಕುಂಡನ್‌ಕುಲಂ ಪರಮಾಣು ವಿದ್ಯುತ್ ಸ್ಥಾವರಕ್ಕೆ ಕೂಡ ಉರಾಲ್‌ಮಶ್ ಉಪಕರಣ ಸರಬರಾಜು ಮಾಡಿದೆ. | 
ಸಲಹೆ/ಪ್ರತಿಕ್ರಿಯೆ
ಮಿತ್ರನಿಗೆ ಕಳುಹಿಸಿ
ಈ ಪುಟ ಮುದ್ರಿಸಿ