ದೆಹಲಿ ಸ್ಫೋಟಕ್ಕೆ ಉಡುಪಿಯಿಂದ 10 ಬಾಂಬ್ ‌‌‌! ಉಡುಪಿ, ಗುರುವಾರ, 25 ಸೆಪ್ಟೆಂಬರ್ 2008( 13:19 IST )

ದೆಹಲಿ ಸರಣಿ ಸ್ಫೋಟಕ್ಕೆ ಉಪಯೋಗಿಸಿರುವ ಬಹುತೇಕ ಬಾಂಬ್ ಗಳು ಉಡುಪಿಯಿಂದಲೇ ರವಾನೆಯಾಗಿತ್ತು ಎಂಬ ಮಹತ್ವದ ಅಂಶ ಬಹಿರಂಗಗೊಂಡಿದೆ. ಆಗಸ್ಟ್ 28ರಂದು ನಗರಕ್ಕೆ ಬಂದಿದ್ದ ಇಬ್ಬರು ಶಂಕಿತ ಉಗ್ರರುಗಳಾದ ಸೈಫ್ ಹಾಗೂ ಪರಾರಿಯಾಗಿರುವ ಇನ್ನೊಬ್ಬ ಶಂಕಿತ ಉಗ್ರ ಶದಾಬ್ ಅವರುಗಳು ನಿಜಾಮುದ್ದೀನ್-ಎರ್ನಾಕುಲಂ ಮಂಗಳಾ ಎಕ್ಸ್ ಪ್ರೆಸ್ ರೈಲಿನಲ್ಲಿ ಉಡುಪಿ ಬಂದಿದ್ದರು. ಬಳಿಕ ಆ ದಿನವೇ ಮತ್ತೆ ದೆಹಲಿಗೆ ತೆರಳಿದಾಗ 10 ಬಾಂಬ್ ಗಳನ್ನು ಒಯ್ದಿದ್ದರು ಎಂದು ತನಿಖೆಯಿಂದ ತಿಳಿದು ಬಂದಿರುವುದಾಗಿ ಅಧಿಕಾರಿಗಳು ತಿಳಿಸಿದ್ದಾರೆ. ಈ ನಡುವೆ ಇಂಡಿಯನ್ ಮುಜಾಹಿದ್ದೀನ್ ಸಂಘಟನೆ ನಡೆಸುವ ಎಲ್ಲಾ ಸ್ಫೋಟಗಳಿಗೂ ಕರ್ನಾಟಕದಿಂದಲೇ ಪೂರೈಕೆಯಾಗಿದೆ. ದೆಹಲಿ ಸ್ಫೋಟದ ಸಂಬಂಧ ಇತ್ತಿಚೆಗಷ್ಟೇ ಪೊಲೀಸರು ಮಣಿಪಾಲ ವಿಶ್ವವಿದ್ಯಾಲಯ ಕ್ಯಾಂಪಸ್‌‌‌ನಿಂದ ಒರ್ವ ಶಂಕಿತ ಉಗ್ರನನ್ನು ವಶಪಡಿಸಿಕೊಂಡಿದ್ದರು ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.